Mostrando entradas con la etiqueta Orgullosos do noso alumnado. Mostrar todas las entradas
Mostrando entradas con la etiqueta Orgullosos do noso alumnado. Mostrar todas las entradas

miércoles, 22 de junio de 2011

Parabens aos gañadores do I Concurso Incubadora de Sondaxes e experimentos

                                       ImageChef.com - Custom comment codes for MySpace, Hi5, Friendster and more


Cando falamos de excelencia académica referímonos ao alumnado que ten ganas de aprender, que se ilusiona cos retos, que adica tempo e esforzo con cada traballo, que participa no que se lle propón e tenta facelo seguindo criterios de excelencia, e dicir, non só quere facer cousas senón que quere facelas moi ben...

Cando falamos de excelencia matemática no IES Mugardos temos que falar do seguinte alumnado de 2º ESO (por orde alfabético):

  • Verónica González Regueiro 
  • Andrés Novoa Menaya
  • Carlos Rodeiro Mauriz
  • Carmen Sanmartín Fero
  • Sergio Vila Plana
e por suposto dos profes que animaron e guiaron ao alumnado na consecución da excelencia, en especial de María Angel Martínez que fixo que este grupo de "excelentes" lograra quedar gañador na 1ª edición do I concurso Incubadora de Sondaxes e Experimentos organizado por SGAPEIO.

Ver enlace: SGAPEIO. ACTA GAÑADORES INCUBADORA

O día 30 en Santiago, darán a coñecer o seu traballo. Pais, nais, profes e compañeiros/as  vos animamos a deixar a tod@s coa boca aberta, co voso traballo, a vosa naturalidade e a vosa ilusión. Sabemos que o faredes  moi ben. Ánimo!!  

Tamén quero mencionar ao grupo que participaba neste concurso na categoría de Bacharelatos/Ciclos formado polos seguintes alumn@s de 1º Bacharelato: Bernardo, Eduardo, Emily e Wendy e "capitaneado" por José Luis Mayobre, porque aínda que esta vez non foi posible, tiveron a iniciativa de participar, seguro que noutra edición nos sorprenderán.    

Estamos tan content@s e orgullos@s dos nosos rapaces/zas!!! Novamente vos damos as grazas a todos os que fixestes posible este éxito: alumn@s, profesorado e familias.  

Ánimo, tod@s podedes ser chic@s EXCELENTES!! 








domingo, 12 de junio de 2011

Acto Recoñecemento dos mellores expedientes (Bacharelato+PAU) 2011



Ser o/a mellor merece o seu recoñecemento. Por iso cada ano, desde o programa “A Ponte entre o Ensino Medio e a USC”  se organiza o Acto de recoñecemento aos estudantes de centros de Ensino Medio de Galicia que acaden a puntuación de nove ou superior como resultado da media ponderada do 60% da nota media do bacharelato e o 40%  da cualificación da fase xeral (queda excluída a fase específica que só ten efectos para acceder ás titulacións con  limite de prazas) das Probas de Acceso á Universidade (PAAU) no presente ano.

O Acto terá lugar o venres día  1 de xullo ás 18:00 horas no Auditorio Municipal Gustavo Freire de Lugo, sito no Parque da Milagrosa (Lugo). O auditorio dispón de aparcadoiro propio e gratuíto. Por esixencias de organización, é preciso estar presentes, como mínimo, media hora antes do comezo do acto.

Temos que enviar á organización unha relación cos apelidos e nomes dos/as alumnos/as e o número de familiares que os acompañen, así como dos profes acompañantes. 

A confirmación de asistencia deberá facerse no centro ata o día 27 de xuño, xa que o día 28 é o último día que ten o centro para mandar os datos.  





NON DUBIDES EN ASISTIR, A EXCELENCIA TEN QUE SER RECOÑECIDA!!!   




                                                                                                

viernes, 29 de abril de 2011

Nuestras estrellas



Despois da actuación e xa cos nervos mais calmados, había que inmortalizar nunha foto a satisfacción do traballo ben feito.

Quen sabe se os/as vosos/as fans gardarán esta foto nas súas carpetas e suspirarán unha e outra vez por vos!!. E quen sabe, igual tendes que adicar os recreos a firmar autógrafos!


Parabens a todos/as!! Estivechedes moi, moi ben!!